السلام عليكم ...
انا اعاني بالتأخير وايد في حياتي، من ناحية الحياة الجامعية كنت وايد اتعب وكل شي يكون صعب علي ، وعلى كثر ما ادرس مااحصل نتيجة ودايماً بوقت الامتحانات مخي يصير عليه بلوك احس اني بعالم ثاني وما ادري شنو اكون كاتبة ولمن اطلع من الامتحان اتذكر الحلول الصح، وايد تعسرت معاي الجامعه لدرجة اللحين اني انفصلت منها ورفعت قضية وناطره الحكم بس كل شي قاعد يمشي بطيئ حيل
لمن اطلع مع امي دايماً تكون الطلعه ثقيله واحس مرات مابي اطلع معاها وطول الوقت اكون قاعده على اعصابي ومتنرفزه حيل ولمن تسولف معاي انفعل وايد
حياتي بشكل عام احسها واقفه موقاعده تمشي واذا بيصير شي يصير بعد معااناة كبيره
كنت مخطوبة حق واحد ووصلنا حق مرحلة الزواج وبعدين تكنسل كل شي
حالتي النفسية الحمدالله تعتبر زينة بس مرات احس بيأس وانه كل شي متسكر بويهي وماكو شي قاعد يمشي
امي وابوي منفصلين ووايد مشاكل بينهم والاوضاع بالبيت كلش مو مستقره
ف مادري اذا اللي قاعد يصير اشياء طبيعية او لاء